ઇડર સ્ટેટનું મુંબઈ રાજ્યમાં વિલીનીકરણ થતા સાબરકાંઠા જિલ્લો અસ્તિત્વમાં આવ્યો. જિલ્લા રચના સાથે સહકારી પ્રવૃત્તિઓનો પ્રારંભ થયો અને આ સંસ્થા હિમતનગર ગ્રુપ વિવિધ કાર્યકારી સહકારી મંડળી લી. તરીકે તા. 24/04/1949 ના રોજ નોંધાઈ.

શરૂઆતમાં બે રેશનિંગ દુકાનો ચલાવવામાં આવી. ત્યારબાદ વિરાવાડા ખાતે કાપડની દુકાન અને બેરણા ખાતે રેશનિંગ દુકાન શરૂ કરવામાં આવી. હિંમતનગરમાં મીઠું, લોખંડ અને સિમેન્ટના વિતરણનું કાર્ય પણ શરૂ કરવામાં આવ્યું.

તા. 12/07/1950 ના રોજ સંસ્થા હિંમતનગર તાલુકા સહકારી ખરીદ વેચાણ સંઘમાં પરિવર્તિત થઈ અને તા. 02/05/1951 થી સાબરકાંઠા જિલ્લા સહકારી ખરીદ વેચાણ સંઘ તરીકે કાર્યરત થઈ.

ખેડૂતો માટે હાઈબ્રિડ બિયારણ, પાક સંરક્ષણ દવાઓ, કૃષિ સાધનો, સિંચાઈ માટે પાઈપ અને ફિટિંગ્સ તેમજ અન્ય ખેતી માટે જરૂરી સામગ્રી ઉપલબ્ધ કરાવવામાં આવે છે.

1949માં માત્ર 80 સભ્યો અને રૂ. 7,970 ના શેર મૂડી સાથે શરૂ થયેલી આ સંસ્થા આજે ગુજરાતના સહકારી ક્ષેત્રમાં પ્રતિષ્ઠિત સ્થાન ધરાવે છે.

રૌપ્ય મહોત્સવ અને સુવર્ણ જયંતી જેવી ઉજવણીઓ દ્વારા સંસ્થાએ પોતાની સફળતા અને સભાસદોનો વિશ્વાસ ઉજવ્યો છે.

આદિવાસીઓની વધુ સેવાઓ માટે જીલ્લામાં મેઘરજ, વિજયનગર અને ભિલોડા મુકામે શાખાઓ શરુ કરી તેમની જરૂરીયાત વ્યાજબી ભાવે પૂરી પાડવાની કામગીરી શરુ કરેલ.

સંસ્થાની અનેકવિધ ક્ષેત્રે સુવાસ પ્રસરેલી હોવાથી સંસ્થાએ શિક્ષણ ક્ષેત્રે તેમજ સિવિલ હોસ્પિટલ, હિમતનગરમાં દાન આપેલ છે. અગાઉનાં વર્ષોમાં સભાસદોના બાળકોને શિષ્યવૃત્તિ આપેલ છે. તે ઉપરાંત રાષ્ટ્રની આફત વેળાએ કે દેશના પુર પીડિતો કે દુષ્કાળ તથા રાષ્ટ્રિય સંકટ સમયે મોટી રકમો દાનમાં આપી છે. તેમજ સુનામી જેવા કુદરતી આપત્તીકાલમાં મે.કલેકટર સાહેબના માર્ગદર્શન હેઠળ આ સંસ્થાને કીટ બનાવવાની કામગીરી સોપવામાં આવેલ.

સંઘને સને ૧૯૬૦ના વર્ષમાં ગુજરાત રાજ્યના રાજ્યપાલ મહામહિમ શ્રી મહેંદી નવાબજંગે મુલાકાત લઇ સંઘની તમામ પ્રવૃત્તિઓથી ખુબ જ પ્રભાવિત થયેલ.

ઇન્ડિયન ઓઈલ કંપનીએ સંઘની ગાંભોઈ શાખાને એમ.પી.ડી.સી. તરીકે માન્યતા આપેલ છે.